З самага свайго адкрыцця экспазіцыя Музея народнай архітэктуры і побыту служыць пляцоўкай для здымкаў кінафільмаў і тэлевізійных перадач. За апошнія трыццаць год музейныя вуліцы, помнікі народнага дойлідства, фігуравалі ў дзясятках мастацкіх і дакументальных стужак, многія з якіх сёння набылі, ў свядомасці людзей, статус “кінематаграфічнай класікі”. Вялікую частку сярод гэтых работ складаюць фільмы на ваенную тэматыку. Гэта карціны “У жніўні 44-га”, “Франц і Паліна”, “Лета ваўкоў”, “Наркамаўскі абоз”, “Анёл-ахоўнік” і інш...

Да 80-годдзя Вялікай Перамогі калектыў Музея народнай архітэктуры і побыту падрыхтаваў часовую выставу фотаздымкаў – кадраў з вядомых кінастужак, на якіх адлюстраваны інтэр’еры хат і музейныя ландшафты. Прапануем азнаёміцца з выставай і апазнаць музейныя лакацыі, якія ў розныя гады прыйшліся даспадобы кінатворцам.

Выстава пачынае працаваць з 09.04.2025 года і размешчана пад адкрытым небам на экспазіцыйным сектары "Цэнтральная Беларусь".

Відэа: https://t.me/etnaby/3852