Выстава працуе  з 3 ліпеня 2023 г.

Святло перамагае цемру, а прага да жыцця пераадольвае смерць. Снарады, што забівалі і калечылі людзей, і кулі, якімі шчодра ўсеяна была беларуская зямля, у мірны час служылі селяніну ў яго штодзённых клопатах: граната - як процівага на бязмен, балванка ад снарада – малатком, гільза ад патрона – запальнічкай у кішэні. Смяротнае жалеза перакоўвалася ў прылады працы, салдацкі паходны посуд займаў месца на кухоннай паліцы.

Да свята Незалежнасці Рэспублікі Беларусь і з нагоды 79-й гадавіны вызвалення Мінска ад нямецка-фашысцкіх захопнікаў прапануем наведаць выставу “Аскепкі вайны”, на якой Вы ўбачыце побытавыя рэчы і інструманты, пераробленыя з боепрыпасаў і салдацкага рыштунку.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 10,00 руб.;
• студэнтаў вышэйшых устаноў адукацыі (студэнцкі білет) – 5,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 5,00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.
• Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170Э), Чыкі; маршрутнае таксі №1277.