Выстава працуе  з 22.06.2023

З 22 чэрвеня  2023 г. у помніку архітэктуры “Школа з в. Калодчына Вілейскага раёна” можна будзе азнаёміцца з часовай экспазіцыяй “22 чэрвеня: лёс чалавека – лёс краіны”. На выставе прадстаўлены фотаздымкі і дакументы ветэрана вайны Цімафея Рыгоравіча Буева. Праз гэтыя прадметы Вы зможаце прасачыць гісторыю жыцця асобнага чалавека, які прайшоў вайну.

Буеў Цімафей Рыгоравіч нарадзіўся ў 1909 г. у в. Стражава Дубровенскага раёна Віцебскай вобласці. У 1931 г. быў прызваны ў Чырвоную армію і накіраваны ў школу санінструктараў, пасля сканчэння якой праходзіў службу ў 13 стралковым палку. У 1934-1935 гг. навучаўся ў школе ваенных лекарскіх памочнікаў у г. Ленінградзе. Да верасня 1939 г. служыў медработнікам 10-ай танкавай брыгады ў г. Барысаве. Напярэдадні вайны праходзіў службу у г. Каўнасе, дзе пражываў разам з жонкай Надзеяй Цімафееўнай, дачкой Верай і сынам Генадзем. З 1941 па 1945 г. Цімафей Рыгоравіч – удзельнік Вялікай Айчыннай вайны, падчас якой служыў у Ваенным сартыравальным эвакашпіталі  № 290 Заходняга і 3-га Беларускага франтоў.

За ўдзел у Вялікай Айчыннай вайне Цімафей Рыгоравіч быў узнагароджаны ордэнамі “Чырвонай зоркі”, “Чырвонага сцяга”, медалямі “За абарону Масквы”, “За баявыя заслугі”, “За перамогу над Германіяй у Вялікай Айчыннай Вайне 1941-1945 гг.” і іншымі ўзнагародамі.

Пасля заканчэння вайны праходзіў службу ў БССР, ПНР. У снежні 1955 г. Цімафей Рыгоравіч звольнены ў запас па выслузе гадоў і па скарачэнні Савецкай арміі ў званні маёра. Пасля звальнення медыцыну не кінуў, працягваючы працу спачатку ў санэпідстанцыі Фрунзенскага раёна г. Мінска, пасля – у Мінгарскурвендыспансеры, медсанчастцы мотавелазавода г. Мінска.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 10,00 руб.;
• студэнтаў вышэйшых устаноў адукацыі (студэнцкі білет) – 5,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 5,00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.
• Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170Э), Чыкі; маршрутнае таксі №1277.