«Цалкам бясплатна – вольная субота: спасцігаем Беларусь!»

06 лютага  2022 года 

з 13:00

Акцыя «Цалкам бясплатна» створана для таго, каб кожны наведвальнік змог даведацца больш аб нашым музеі і беларускай гісторыі. Можна будзе здзейсніць бясплатную экскурсію (аплачваецца толькі ўваходны квіток у музей) па выставе «Беларускі лен».

Гэтая выстава працягвае традыцыю прадстаўлення ў музеі папулярных беларускіх народных рамёстваў. Яна размешчана ў помніку «Гумно з сядзібы в. Заброддзе Стаўбцоўскага раёна» і знаёміць наведвальнікаў з тэмай ільна і ільнаапрацоўцы праз дэманстрацыю музейных прадметаў, звязаных з гэтай тэматыкай, у тым ліку спецыяльных ільнаапрацоўчых станкоў і дапаможных прыстасаванняў. Аснову экспазіцыі склалі музейныя прадметы, адшуканыя пад час шматлікіх экспедыцый па глухім куткам Беларусі. Наведвальнікі змогуць папрацаваць за адным з старажытных ткацкіх станкоў і адчуць сябе ў якасці сялянкі-ткачыхі.

Пачатак экскурсіі з 13.00 на ўваходзе ў сектар «Цэнтральная Беларусь» (мапа музея). Экскурсія будзе праходзіць пры зборы групы да 10 чалавек!  

Калі ласка, апранайцеся ў адпаведнасці з умовамі надвор'я!

Кошт квіткоў:

• для дарослых – 8 руб.;
• для школьнікаў, студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 4 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.

Падчас мерапрыемства за дадатковую плату можна:

• набыць сувенірыад народных майстроў у касе музея;
• палятаць на мотадэльтаплане (пры добрым надвор’і);
• наведаць «Беларускую карчму», якая знаходзіцца на тэррыторыі музея;

Запрашаем прыняць удзел у мерапрыемстве «Цалкам бясплатна»  на тэрыторыі музея!