25 снежня 2023

14:00-15:00

Дарагія сябры! Надыходзяць чароўныя калядныя дні! Усё навокал замірае, мы чакаем цудаў, марым пра здзяйсненне жаданняў!

Запрашаем Вас наведаць бясплатныя экскурсіі ў Беларускім дзяржаўным музеі народнай архітэктуры і побыту!

Вы пачуеце расповед пра помнікі драўлянага дойлідства (капліца з в. Каралеўцы Вілейскага раёна Мінскай вобласці, Пакроўская царква з вёскі Логнавічы Клецкага раёна Мінскай вобласці, Спаса-Праабражэнская царква з вёскі Барань Аршанскага раёна Віцебскай вобласці), народныя і хрысціянскія традыцыі святкавання Калядаў.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 10,50 руб.;
• студэнтаў вышэйшых устаноў адукацыі (студэнцкі білет) – 5,50 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 5,50 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17.00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170Э), Чыкі; маршрутнае таксі №1277, №1111, №1026.