Беларускі народны іканапіс і традыцыйнае ткацтва ў кантэксце абраду «Свяча»
Беларускі дзяржаўны музей народнай архітэктуры і побыту разам з Веткаўскім музеям стараабрадніцтва і беларускіх традыцый імя Ф.Р. Шклярава запрашае наведаць выставу “Ікона звалась Свячой…”, якая будзе дзейнічаць у помніку архітэктуры “Царква з в. Барань” (экспазіцыйны сектар “Падняпроўе”). Адкрыццё выставы – 30 жніўня 2019 г. а 13-й гадзіне.
Абрад «Свяча» з'яўляецца адным з самых адметных абрадаў у традыцыйнай культуры беларускіх вёсак Гомельшчыны. «Свячой» называюць як абрад, так і яго рытуальныя прыналежнасці. Веткаўскі музей стараабрадніцтва і беларускіх традыцый імя Ф.Р. Шклярава займаецца шматгадовым вывучэннем гэтага абраду, і адным з вынікаў такіх даследаванняў з'яўляецца выставачны праект «Ікона звалась Свячой…». У выставачнай прасторы тэксты, запісаныя ў шматлікіх экспедыцыях па Гомельшчыне, а таксама суседняй Браншчыне, паўстаюць перад наведвальнікамі ў своеасаблівыя вобразныя, тэматычныя комплексы-інсталяцыі. На выставе можна пабачыць аўтэнтычныя і рэканструяваныя тыпы Свечаў, што існавалі і існуюць зараз на Гомельшчыне, традыцыйны народны іканапіс і ткацтва. Усё гэта аб'яднана адной тэмай — абрадам «Свяча».
На выставе прадстаўлены амаль два дзясяткі народных ікон канца XVIII — пачатку XX ст., больш чым паўсотні ручнікоў канца XIX — сярэдзіны XX ст., дванаццаць комплексаў аўтэнтычных і рэканструяваных «Свеч», а таксама экспедыцыйныя фотаздымкі абраду, сшыткі з рукапісамі псалмаў і фальклорныя тэксты, звязаныя з рытуальнымі момантамі і дзействамі.
29.05.2020 запрашаем выпускнікоў школ на этна-пікнік на свежым паветры ў адзіным у краіне сканс...
26.01.2019г. запрашаем прыняць удзел у культурна-адукацыйным мерапрыемсте «Ёсць у мяне твой...
26.05.2019г. запрашаем прыняць удзел у культурна-масавым мерапрыемстве «Калібры фэст» на...
9 студзеня 2022 года запрашаем усёй сям’ёй паўдзельнічаць у бясплатнай інтэрактыўнай экскурсіі...