«Сакральная культура ў народным побыце Астравеччыны»

16 кастрычніка ў 14.00

Беларускі дзяржаўны музей народнай архітэктуры і побыту запрашае на ўрачыстае адкрыццё экспазіцыі: «Сакральная культура ў народным побыце Астравеччыны» помнік архітэктуры «Спаса-Праабражэнская царква з в. Барань».

Адным з накірункаў экспедыцыйнай дзейнасці музея ў 2016 – 2018 гг.стала даследванне матэрыяльнай спадчыны вёсак і мястэчак Астравецкага раёна – самабытнага памежнага краю з адметнай культурай і традыцыямі. Астравеччына была абрана невыпадкова – праз сваю адасобленасць, нацыянальную і канфесійную разнастайнасць, рэгіён захаваў унікальнае культурнае асяроддзе.

Каштоўным скарбам, атрыманым падчас экспедыцый па вёсках Астравеччыны, сталі драўляныя бажніцы вырабу мясцовых жыхароў – унікальныя творы народнага мастацтва, якія спалучаюць прыёмы разьбы па дрэве, мастацкага роспісу.

Музейныя прадметы, прадстаўленыя ў экспазіцыі, абагульняе прыналежнасць да рэлігійнай спадчыны. Разнастайнасць спосабаў і тэхнік перадачы хрысціянскага сюжэту (літаграфія, фотакопія, аўтарскі малюнак фарбай) – адлюстроўвае не толькі мастацкі густ жыхароў Астравеччыны, але і пэўныя ідэалагічныя ўстаноўкі, што панавалі ў рэгіёне ва ўмовах розных палітычных сістэм.