Абрадавае мерапрыемства

«На Саракі прыляцелі птакі»

23 сакавіка 2019 года 

з 15:00 да 16:00

У народным календары «Саракі» святкуюць 22 сакавіка. Гэта свята, з якога пачыналі гукаць вясну ў нашых краях. Абавязковым атрыбутам свята былі птушкі з цеста і пяклі іх менавіта 40 штук. Называлі па-рознаму - «галёпы», «бабашкі». З прыняццем хрысціянства, свята «Саракі» было прымеркавана ў гонар сарака пакутнікаў севайсцейскіх, якія многа гадоў таму не адракліся ад Хрыста і прынялі пакутніцкую смерць за веру хрысціянскую. Таму хадзілі на свята ў царкву і асвячалі гэтыя «галёпы», каб потым можна было іх доўга захоўваць і выкарыстоўваць у розных  выпадках.            Лічылі, што менавіта на «Саракі» прылятаюць 40 выраяў птушак. Таксама, трэба было разарваць 40 шнурочкаў, паламаць 40 трэсачак. Рабілася гэта не проста так: трэскі і вяроўкі сімвалізуюць сілы, якімі была скавана зямля. Пераламаць трэскі і перарваць шнурочкі – гэта значыць наблізіць надыход цяпла, абудзіць ад зімовага сна ўсю жывую прыроду.            У «Беларускім дзяржаўным музеі народнай архітэктуры і побыту» будзем адзначаць гэтае свята згодна народным традыцыям з песнямі, танцамі і добрым настроем!

Вас чакаюць:

• Веснавыя песні і карагоды;
• Майстар-клас па вырабу птушак з цеста;
• Віктарына з прызамі;
• Беларускія танцы і гульні.

Падчас мерапрыемства за дадатковую плату можна:

• набыць сувеніры ад народных майстроў у касе музея;
• палятаць на мотадэльтаплане (пры добрым надвор’і);
• наведаць «Беларускую карчму», якая знаходзіцца на тэррыторыі музея.

Запрашаем прыняць удзел у абрадавым мерапрыемстве «На Саракі прыляцелі птакі» на тэрыторыі музея!

Кошт квіткоў:

• для дарослых – 6,50 руб.;
• студэнтаў вышэйшых устаноў адукацыі (студэнцкі білет) – 4,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4,00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.