Абрадавае мерапрыемства

«Камаедзіца»

4 красавіка 2021 года 

з 15:00 да 16:00

«Камаедзіца» – старадаўняе свята, прымеркаванае да пачатку вясны і выхаду мядзведзя з зімовай спячкі. Звычайна ў гэты дзень рыхтавалі гарохавую кашу, сушаную рэпу і аўсяны кісель. Гэтыя стравы лічыліся любімай ежай мядзведзя і мелі сакральнае значэнне. Пасля абеду сяляне клаліся на палаці і варочаліся з боку на бок, імітуючы звычкі гэтай жывёлы. «Камаедзіца» – водгалас старажытных традыцый пакланення зверу, яго шанавання, бо менавіта мядзведзь лічыўся самым моцным і магутным насельнікам беларускіх лясоў. Рознымі абрадавымі дзеяннямі людзі стараліся ўлагодзіць, задобрыць жывёлу.            На мерапрыемстве вы зможаце паслухаць апавяданні пра ролю мядзведзя ў беларускай культуры і кульце пакланення яму; даведацца пра пчалярства і атрыманне мёду – любімага ласунка жывёлы; пачуць казкі і паданні пра мядзведзя, а таксама папрактыкавацца ў беларускіх танцах, народных гульнях і проста весела правесці час!     

Вас чакае:

• расповед традыцыйных беларускіх казак, паданняў пра мядзведзя;
• беларускія народныя гульні і забавы;
• майстар-клас па беларускім народным танцам;
• абрад паднашэння мядзведзю.

Падчас мерапрыемства за дадатковую плату можна:

• набыць сувеніры ад народных майстроў у касе музея;
• палятаць на мотадэльтаплане (пры добрым надвор’і);
• наведаць «Беларускую карчму», якая знаходзіцца на тэррыторыі музея;

Запрашаем прыняць удзел у абрадавым мерапрыемстве «Камаедзіца» на тэрыторыі музея!

Кошт квіткоў:

• для дарослых – 8 руб.;
• студэнтаў вышэйшых устаноў адукацыі (студэнцкі білет) – 4.00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4.00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.