Абрадавае мерапрыемства

«Гуканне вясны»

26 сакавіка 2022 года 

з 14:00 да 15:30

«Гуканне вясны» – старажытнае свята, звязанае з абуджэннем прыроды і закліканнем вясны. Ад сустрэчы вясны шмат у чым залежыў дабрабыт селяніна, таму адзначалася свята ўрачыста, весела і шумна. З гуканнем вясны звязана шмат рытуальных дзеянняў, якія суправаджаліся заклікамі, замовамі, веснавымі песнямі. Гэта павінна было паспрыяць хутчэйшаму прыходу вясны.           

Наведвальнікі і ўдзельнікі мерапрыемства змогуць вырабіць сабе прыгожую птушку – сімвал прыходу вясны, паслухаць традыцыйныя веснавыя песні ад фальклорнага калектыва, паўдзельнічаць у веснавых абрадах, павадзіць карагоды, патанчыць беларускія танцы!

Вас чакае:

• выступленне фальклорнага калектыва;
• абрад «Гуканне вясны»;
• майстар-клас па беларускім танцам і гульням;
• майстар-клас па вырабу птушак;
• майстар-клас па «маляванцы на шкле»;
• выстава гліняных птушачак з калекцыі музея (у помніку «Школа»);
• спаленне кола на плыце!

Падчас мерапрыемства за дадатковую плату можна:

• набыць сувеніры ад народных майстроў у касе музея;
• палятаць на мотадэльтаплане (пры добрым надвор’і);
• наведаць «Беларускую карчму», якая знаходзіцца на тэрыторыі музея.

Запрашаем прыняць удзел у абрадавым мерапрыемстве «Гуканне вясны» на тэрыторыі музея!

Кошт квіткоў:

• для дарослых – 10 руб.;
• студэнтаў вышэйшых устаноў адукацыі (студэнцкі білет) – 5 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 5 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.