+375 172905913 +375 175138610 museum@etna.by
Экспазіцыя працуе
11:00-19:00 (ср-вскр)
Каса працуе
11:00-18:30 (ср-вскр)
Абрадавае мерапрыемства «Багач заткнуў у страху рагач»
Галоўная Падзеі Абрадавае мерапрыемства «Багач заткнуў у страху рагач»
Абрадавае мерапрыемства  «Багач заткнуў у страху рагач»
1289

Абрадавае мерапрыемства

«Багач заткнуў у страху рагач»

19 верасня 2020 г.

З 13:00 да 14:30

Багач – старадаўняе свята ўраджаю, прымеркаванае да дня восеньскага раўнадзенства. З гэтага часу завяршаліся палявыя работы і праца сялян пераносілася на падворак, у гумно, ёўню, млын. Ужо сама назва свята нагадвае нам пра багацце, дастатак і дабрабыт, якія селянін атрымліваў пасля ўборкі ўраджаю.

Жыхары вёскі праводзілі спецыяльны абрад, які павінен быў забяспечыць ўраджайнасць і дабрабыт. З кожнага двара прыносілі па жменьцы зерня і напаўнялі сявеньку, урачыста абыходзілі вёску і пакідалі на год у аднаго з гаспадароў.  Гэтая сявенька – «багач» мусіла прыносіць вёсцы багацце, дабрабыт і шчасце.

Запрашаем і Вас далучыцца да нашага свята!

Вас чакае:

  • урачысты абыход вёскі пад традыцыйныя абрадавыя спевы;
  • майстар-клас па малацьбе збожжа;
  • майстар-клас па вырабу святочнай паштоўкі;
  • частаванне;
  • традыцыйныя гульні і танцы.

За дадатковую плату ў вас будзе магчымасць:

  • пачаставацца рознымі прысмакамі ў «Беларускай карчме»,
  • набыць лепшыя сувеніры ад народных майстроў у касе музея,
  • пакатацца на гужавым транспарце.

Кошт квіткоў:

  • для дарослых – 7.00 руб.;
  • для школьнікаў, студэнтаў вышэйшых устаноў адукацыі, навучэнцаў прафесійна-тэхнічных, сярэдне спецыяльных устаноў адукацыі – 4.00 руб.;
  • для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

  • Калі ласка, паклапаціцеся пра абутак і вопратку, згодна ўмоў надвор’я.
  • Музей пакідае за сабой права адмены ці замены асобных эпізодаў мерапрыемства.
 
Чытайце таксама
Фотасправаздача «Дай лапу!»
3134
Фотасправаздача «Дай лапу!»

29.07.2017г. Фестываль, які прысвечаны жыццю і адказнаму трыманню сабак!

Свята «Грамніцы»
312
Свята «Грамніцы»

Грамніцы – дзень сустрэчы зімы з летам, свята свечкі і «жывога агню».

УВАГА! СКАРОЧАНЫ ГРАФІК!
706
УВАГА! СКАРОЧАНЫ ГРАФІК!

Увага! Скарочаны графік!

Фотасправаздача «Абрадавае мерапрыемства «Купалле»
3488
Фотасправаздача «Абрадавае мерапрыемства «Купалле»

24.06.2017г. На Купалле адбывалася шмат чароўных рэчаў, акуніцеся ў гэтую стыхію свята, як гэта...