8 лістапада 2025 года

13:00

Праводзілі абрад звычайна падчас прызыву ў войска. Провады ладзілі за дзень да адпраўлення маладога хлопца. Абрад уключае ў сабе розныя  дзеі, якія накіраваны на тое, каб хлопец не забываў сваіх родных і сяброў, каб лёгка служылася і вярнуўся жывым.

Таму запрашаем усіх жадаючых у гэты восеньскі дзень наведаць Беларускі дзяржаўны музей народнай архітэктуры і побыту, каб пазнаёміцца з тым, як нашыя продкі праваджалі хлопцаў у войска.

Вас чакае:

• Расповед пра тое, як раней у розных мясцінах выпраўлялі маладых хлопцаў ў войска;
• Абрад «Провады ў войска»;
• Майстар-клас па беларускім традыцыйным абярэгам.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 13,00 руб.;
• студэнтаў вышэйшых устаноў адукацыі (студэнцкі білет) – 7,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 7,00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№ 1111,1026.