сумесна з Рэспубліканскім цэнтрам нацыянальных культур

27 студзеня 2024 года

з 14.00 да 15.00

Абрад «Куры» з’яўляецца актуальнай культурнай з’явай у жыцці Клічаўскага раёна Магілёўскай вобласці і перадаецца з пакалення ў пакаленне жыхарамі вёсак Дзмітрыеўка, Віркаў і Нясета.

Абрад унікальны тым, што гэта адзіны калядны дзіцячы абрад, які захаваўся на тэрыторыі Магілёўскай вобласці. У ім удзельнічаюць дзеці ва ўзросце ад 6 да 14 гадоў, у асноўным гэта ўдзельнікі ўзорнага фальклорнага ансамбля “Купалачка” дзяржаўнай установы адукацыі “Дзіцячая школа мастацтваў г.Клічава” (пад кіраўніцтвам Наталлі Васільеўны Коктыш).

Абрадавае дзеянне звязана са спецыяльнымі атрыбутамі: каляднай зоркай і запаленай свечкай, якая знаходзіцца ў зорцы каля абраза Божай Маці, ручніком белага колеру, які сімвалізуе чысціню. Дзяўчынкі і хлопчыкі ходзяць па вёсцы, падыходзяць да хатаў, спяваюць калядную песню “Куры”.

Запрашаем убачыць унікальны абрад з Дзяржаўнага спіса гісторыка-культурных каштоўнасцей Рэспублікі Беларусь у музеі пад адкрытым небам!

Вас чакае:

• Абрад “Куры” Клічаўскага раёна Магілёўскай вобласці;
• Выступ фальклорнага ансамбля “Купалачка” дзяржаўнай установы адукацыі “Дзіцячая школа мастацтваў г.Клічава” (пад кіраўніцтвам Наталлі Васільеўны Коктыш);
• Майстар-класы і гульні.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 12,5 руб.;
• студэнтаў вышэйшых устаноў адукацыі (студэнцкі білет) – 6,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 6,00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17.00. Каса працуе з 10:00 да 16:30.

Абрад пачынаецца ў 14.00. Прыходзьце, калі ласка, за 15 хвілін да пачатку!

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
• Экскурсіі ў дзень мерапреыстваў ажыццяўляюцца толькі па папярэднім запісе.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170Э), Чыкі; аўтобус №150, маршрутные таксі  №1277, №1111, №1026.