Свята

«Стаў сноп на сто коп»

(Зажынкі)

30 ліпеня 2022 года

з 13.00 да 14.00

Ціхі шэпт, гоман і знакі ад самога Бога – усё гэта сведчыла пра пачатак Зажынак.

Удала распачатая ўборка ўраджаю забяспечвала багатыя запасы зерня, духмяны і смачны хлеб на стале гаспадароў увесь год.

У першы выхад на ніву зажыналі невялікі снапок жыта, які называлі Гаспадаром. Першы сноп сімвалізаваў дабрабыт і шчасце сям’і і ўсёй грамады. Верылі, што сноп-гаспадар валодае магічнымі здольнасцямі, таму яго усяляк ушаноўвалі: ўпрыгожвалі чырвонай стужкай, неслі дахаты і ставілі на покуці, зерне з яго дамешвалі ў абрадавыя стравы, насенне, магічнае пітво.

Запрашаем наведаць Беларускі дзяржаўны музей народнай архітэктуры і побыту, каб пабачыць традыцыі, звязаныя з уборкай ураджаю, пачуць традыцыйныя жніўныя песні і найгрышы на музычных інструментах!

Вас чакае:

• Рэканструкцыя абрада «Зажынкі»;
• Майстар-клас па зборы каласоў сярпамі;
• Упрыгожванне снапоў;
• Традыцыйныя танцы і гульні.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 8,50 руб.;
• студэнтаў вышэйшых устаноў адукацыі (студэнцкі білет) – 4,50 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4,50 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.