28 лютага 2026 года

З 15:00 да 16:00

Аўлассе — адзін з адметных дзён традыцыйнага календара беларусаў, вядомы яшчэ з язычніцкіх часоў (як свята Вялеса). Пазней царква прымеркавала яго да дня святога пакутніка Уласа, які ў народзе лічыўся апекуном хатняй жывёлы. Таму Аўлас называлі «каровіным святам»: лічылася, што пашана да гэтага дня забяспечвае здароўе жывёлы і дабрабыт гаспадаркі.

Па традыцыі гаспадыні выпякалі аладкі, «каб цяляты раслі здаровыя», гаспадары ж у гэты дзень лепш кармілі жывёлу і не выкарыстоўвалі яе ў цяжкай працы. У некаторых мясцовасцях Аўлас адзначалі як «конскае свята» — аб’язджалі маладых коней, упрыгожвалі іх, ладзілі катанні і вясёлыя гулянні. Часта свята супадала з Масленіцай — апошнім скаромным тыднем перад Вялікім постам, адкуль і пайшла прыказка: «На Аўласа бяры каўшом масла».

Таму запрашаем Вас паўдзельнічаць у мерапрыемстве, прымеркаваным да гэтага свята, каб больш даведацца аб традыцыях і звычаях яго святкавання нашымі продкамі!

Вас чакае:                                                                        

• Расповед пра хрысціянскія і народныя традыцыі свята;
• Майстар-клас па вырабу конікаў з нітак;
• Фотазона з санямі “Запражы сябе”.

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 16 руб.;
• студэнтаў вышэйшых устаноў адукацыі (студэнцкі білет) – 8 руб.; 
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 8 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.

Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№1277,1111,1026.

Проезд от автостанции «Юго-Западная» пригородными автобусами в направлениях: Минск – Дубенцы, Западное кладбище (170с), Поворот к музею (150), Чики; маршрутные такси №№1277,1111,1026.