15 верасня ў рамках мерапрыемстваў, прымеркаваных да Дня народнага адзінства, паміж установай "Беларускі дзяржаўны музей народнай архітэктуры і побыту" і дзяржаўнай установай "Беларуская сельскагаспадарчая бібліятэка імя І.С. Лупіновіча» Нацыянальнай акадэміі навук Беларусі адбудзецца падпісанне Мемарандума аб узаемаразуменні.
У адпаведнасці з умовамі Мемарандума бакі выказваюць зацікаўленасць у правядзенні сумесных навуковых даследаванняў; маюць намер супрацоўнічаць у арганізацыі і правядзенні канферэнцый, семінараў, іншых навуковых і навукова-практычных мерапрыемстваў, прысвечаных пытанням развіцця сельскай гаспадаркі, папулярызацыі і ўкаранення сельскагаспадарчых ведаў і гісторыі аграрнай навукі; плануюць абменьвацца рэдкай і каштоўнай інфармацыяй са сваіх фондаў; выказваюць зацікаўленасць у арганізацыі сумесных выстаў і іншых сацыякультурных і асветніцкіх мерапрыемстваў; маюць намер аказваць узаемную інфармацыйную падтрымку арганізуемых імі мерапрыемстваў; мяркуюць каардынаваць сваю дзейнасць па сумесным удзеле ў мерапрыемствах, якія праводзяцца іншымі арганізатарамі.
Падпісваны дакумант закліканы ўсталяваць доўгатэрміновае супрацоўніцтва паміж дзвюма ўстановамі. Аформленае супрацоўніцтва паміж арганізацыямі, якія ўваходзяць у структуру Нацыянальнай акадэміі навук Беларусі і Міністэрства культуры Рэспублікі Беларусь, будзе садзейнічаць кансалідацыі дзейнасці ў мэтах вырашэння агульных задач - захавання этнакультурнай спадчыны сялянскай гісторыі на беларускіх землях, даследавання пытанняў аграрнай гісторыі, прапаганды цікавасці да паўсядзённага жыцця беларускага народа.
Мерапрыемства адбудзецца на тэрыторыі Беларускага дзяржаўнага музея народнай архітэктуры і побыту 15 верасня 2023 г. у 11.00.
05.01.2020г. адбылося абрадавае мерапрыемства «Тры Каралі» на тэрыторыі музея!
Ваенныя ліхалецці мінулага прыносілі цяжкія выпрабаванні жыхарам нашай краіны. Смерці і...
Камаедзіца - адзін са старажытных рэгіянальных беларускіх абрадаў. Праводзіўся ён увесну і...
Паважаныя наведвальнікі. У прасторы царквы з в. Барань Аршанскага раёна (э/с “Падняпроўе”) вы...