Беларускі weekend
Першыя выходныя вясны ў музеі пад адкрытым небам!

Адсвяткаваў Масленіцу – не спыняйся!
Выходныя ў беларускім стылі – якасна і модна! 
Жывая музыка, гульні і забавы!

4 сакавіка 2017 года
з 13:00 да 15:00

Толькі ў гэты дзень для вас будзе працаваць выстава «Жаночая ідэнтычнасць» – праект па рэканструкцыі традыцыйных беларускіх строяў сумесна з прадпрыемствам народных рамёстваў «Скарбніца» (у помніку архітэктуры царква з в. Логнавічы).

Нашым наведвальніцам будзе дана казачная магчымасць апрануцца як сапраўдныя беларускія жанчыны і зрабіць сэлфі ў самай аўтэнтычнай фотазоне.

Майстар-клас па завязванню наміткі (хата з вёскі Заброддзе).

Займальная экскурсія па музею а 13:30.

Незабыўны адпачынак для ўсёй сям'і!

5 сакавіка 2017 года
з 14:00 да 15:00

Адпачынак у беларускім стылі.

Выступ усім вядомага гурта «Жвавы карчмар».

Музычны праект «Жвавы Карчмар» быў створаны былымі студэнтамі БДУКіМ ў 2015 годзе. З цягам часу праект змяніўся, атрымаў цалкам новую, не стрыманую рамкамі форму.

У рэпертуар гурта ўваходзяць традыцыйныя беларускія побытавыя танцы ды гульні, традыцыйныя мужчынскія спевы, інструментальныя наігрышы ды апрацоўкі фальклорнага матэрыялу. Склад музычных інструментаў налічвае беларускую дуду, скрыпку, барабан, бубны, дудкі і інш.

Творчасць музыкаў насычана пазітывам і сапраўды карчомным разгулам.

Гучная музыка, запамінальныя словы, простыя рухі. Сустракай вясну! Адпачывай разам з намі!

Са шчырай усмешкай на прыгожым твары, мы будзем граць без перадыху і толькі для Цябе!

Кошт уваходных квіткоў:

• для дарослых – 5.50 руб.; 
• для студэнтаў – 4.00 руб.; 
• для дзяцей школьнага ўзросту – 3.00 руб.;
• для дзяцей дашкольнага ўзросту – бясплатна.

За дадатковую плату:

• традыцыйныя беларускія стравы ў карчме;
• лепшыя сувеніры ад народных майстроў.

Экспазіцыя музея працуе з 10:00 да 17:00. Каса працуе з 10:00 да 16:30.